ليت الزمن يثبت على الصدق باقيه=اللي على مجرا الحقيقة خبرنا
ياذاهب لديار ماكنت تسميه=اللي على بعض المواقف جبرنا
وقت تعدا هيضتنا طواريه=ويما على بعض المواقف عبرنا
الراس اللي ماينعرف وين تاليه=خل المجده فيه تسمع خبرنا
ميضاح من حد الحقيقة نبديه=من يوم دنيانا بظلماه سرنا
الله كتب للمتعض خير مافيه=ومن ضيع ادوار الحقيقة غترنا
لاشك يامن تجهل اللي نبديه=كب العلوم اللي تسبب قهرنا
عندك بيان السلم واسما معانيه=ومضمون قانون الوفا يعتبرنا
قانون كل الناس بالحق تمشيه=ومن ضيعه يقول حظي دمرنا
لاشك من ميراث جده يعنيه=مايستمع للي يقول انجبرنا
في ذالك الماضي نبا مع مضاهيه=عنوانه التصديق حين افتكرنا
عمار يادار العرب من مراسيه=من يوم مضمار الحقايق نصرنا
ضوا على بغداد ميقاف راعيه=دار وفيها اللي بعزه فخرنا
قبايل تاريخهم نور قاريه=برهان ناس افعالهم تبتهرنا
دور قديم وبينات دواعيه=ولا عاد صوبه بالمراوات حرنا
لان من يجهل لضا النار يشويه=ويقول ديان المهافي ثبرنا
واللي يحسب ان السعادة مراكيه=لابد مايشكي عنا ماذكرنا
ومن لا يخاف الله ويسجد ويرجيه=يرمنه طعونه ويقول صرنا
صرنا مثل من دم وجهه مغريه=ماهو بهمه والزمن ماقصرنا
ولا جالنا علم على لسان راعيه=نقول هات اسباب واسمع جهرنا
جتنا وسمعنا كلمة اهل التناويه=وحنا بساعات المساعي ضفرنا
ان حل حاضرنا بدار تسميه=هيهات يسلك منهج ينتكرنا
لاننا اهل الحق لاعد راعيه=واهل الصراحة والعدو ماعسرنا
لو كان في حد ابعد الارض ناتيه=ونسمي بعلم الطيب اليا قدرنا
وكل على منهاة سلم لاهاليه=يشوم مايتبع سلوم تحقرنا