يـابـن جـدي شيـخ السناعيس ويـنك=سلّـمت لـك ومـد لي كـف يمـناك
يندى على طـيب المـواقف جبـينك= ما هو كلام ألا سـمـعنا وشـفـناك
الحقت من كبر العطّيات دينـك=وافي وحنا يا السـنافـي وفيـناك
والله يا شيخ السعد شوف عينك=جـتنا خبـاث القـوم مـنّا ومـنّاك
يـا قشرها لاشفت شيٍ يهينك=عقب المذلّه صار ياأمر وينهـاك
قتيـل ومـهـجّر ولا حـدٍ يعيـنك=وفي شرعهم للمشتري ذبح بعـناك
وان جـيـتهم مكـبّلاتٍ يديــنك= قـالو عشـان تموت لهنيه جبـناك
اهل العمايم من هلك ماخذينك= محدن سلم منهم من هنيه وهناك
كم من فقيد وكم بكو فاقدينك=وياليـت بـعـد المـوت حـنا لقيـناك
يا ليل في عيني مدامع حزينك=من كثـر ما شـفنا من الضـلم خفناك
ما دمت ياليل الشقاوي رهينك=مدري متـى نور التباشـير يفـناك
اللي ذبحـني فيك طولة سنيـنك= الله بــلانا فــيك وحــنا بـلينـاك
حظ الفتى أما يجي فيه زينـك=ولاّ مــع دربٍ تمـاشـيه يشـناك
خوفي تصير النـار بيني وبـينك=ويغيب عن شوفي مشاريف مبناك
يا قلب دام الشيخ يسمع ونينك= أن اشـهـد انـه بالـمراجل تبنّـاك
فزعة هالمعروف زادت يقينك=لا قـال تبـشر كـلنا عنـد عـيناك
انـا نـخـيتك والمـلا عارفـينك= واظـح ولا يخـفا على الطيب معناك
ياليـت لو اقـدر اصافح يمـينك= واقول تـكفااا في حضورك فقـدناك
هذى انت يا غنيمان ما قول وينك= سلّـمت لـك ومـد لي كـف يمناك