ماشالله شباب يابو نواف وعلي طاري الشيب وكبر السن يقول الشاعرعبدالله الغيثي رحمة الله
وقعن ضروسي وانقلب عارضي شيب......ودليت أقوم بموخري قبل راسي
خذيت من طبع النظئ شمخ النيــــــــب......ثوران هرش بالبروك متـــواسي
هذا طريق الحق ماعنه تجنيــــــــــب.......مضمون لو تفنى الجبـــال الرواسي
قالو لي ان الشيب مابه عذاريــــــب.......هرج يقولونه على غير ســـــاسي
الشيب لابه لا معزه ولا طيــــــــب.......الا المهونه والتعــــب والتعاســـي
صعب على راعيه بعض المواجيب......الهين اللين على العود قــــــاسي
عقب الوناسه والطرب والتعاجيب........ياشبت ياتيك الزمن انعكـــاســــي
يصير لك دون الوناسه عواجيب.........اخر نهار وأقتفاه الدمـــــاســـي
تحرم من السجه ونط المراقيب..........وتنسي طراه البــال لو مانت ناسي
والشيب يتعب شمخ النيب والذيب.......وحتى النبات لبا كبر قيل عــاسي
صحيح وماضيله تجاريــــب........ولا يفيد لو تلبس جديد اللباسي
والشيب ليا صادك بعكف المخاليب.....مايفارقك لو صحت تبي الخلاصي
ميلاف ليامنه لفت له مناريب..........مايجفله كثر العوى والحــساسي
مار يالله يا عالم خفى خافي الغيب......عالم خفى المخفي بقلب سياسي
عبدك بدون أعراك ماله مقاضيب......يا مخضر بالقاع عقب اليباسي
أطلبك عفوك وأنت معطي المطاليب.....بيوم تلين به القلوب القواسي
ياجيت بالمظلم بشين الضنابيب..........حفرا احفر عرضي وطولي قياسي
و الله يعطيك الصحة والعافيه انت والجميع