قصيدة (( سلاآآآآآآآآآآم ياشمر هل الصيت والفعل الكبير )).

قصيدة بمناسبة :
موقف مشائخ وقبائل شمر المشرف ونخوتهم لإعتاق رقبة السجين المحكوم
دخيل الله بن عائض الحلافي وهو شرف يضاف لسجلاتهم العظيمة ومواقفهم الكريمة .

سلام ياشمر هل الصيت والشان الكبير

سلام ياشمر هل الصيت والشان الكبير=أخص شمر والوطن يشمله منا السلام
خوال أبو متعب وهذا الفخر ماله نظير =ياحظ شمر مجدهم ما يغطيه الغمام
سلام يابرزان حائل وبيرقه الشهير=سلام ياطي الفخر ياعزيزين المقام
سلام يا أجا وسلمى ومرقاها العسير=ذا ما أنتسب في صلب شمر فهي عنّه حرام
سلام للي لا بغيت أوصفه عقلي يحير=وإن جيت أعبّر عن سجاياه ما يوفي الكلام
يالابسين الجوخ الأحمر إذا نادى النفير=يالفرّس إللي تعشق الموت في يوم الزحام
أرباب جاه وبيرقٍ حاضرٍ في كل خير=قالوا العرب بأمثالهم جاه شمر ما يضام
فإذا نخيت الشمري فإعزم ولا تستشير=ابشر بسيفٍ بارعٍ ما يثلّمه الصرام
شامان ذا لا لاح ما أشباه في وجه المغير=الجن تهرب والشياطين تخنس ما تلام
تشهد فعايلهم وتاريخهم ماله عبير=اهل السلام وفي المخاصم مسمحة الخصام
كن الضيوف إذا لفوهم يقابلهم بشير=تلقى الكرم والحاتمية سليلين الكرام
يقابلك بالعود الأزرق ووجهٍ يستنير=والشاذليه فوح مكنونها يجلى العسام
الشمري لا راد ضيفه ترى ما يستخير=لو ما يجد إلا حصانه يفك به الصيام
هم فرحة الضيفان ذا لاعهم قيظ الهجير=وهم منوة المعدوم ذا من العدم حظه يسام
وللجار نعم بهم وهم للخوي نعم العشير=سعد الدخيل إللي عليه الطلب عجلٍ ولام
ياتاج راسي يا سنا العيس صافين الضمير=ما تنقطع شمر عن المدح عامٍ بعد عام
من شاعرٍ في نظم قافه وفي المعنى خبير=بإسم الحلافات أتقدم وأنا حرٍ همام
أنابني شيخ القبيلة وأنا عنده جدير=لغايته يبشر بنا لين يرضى بالتمام
الشيخ ذا شاخ المشائخ وزيزومٍ وأمير =خبزان جـــده شاخ ربعه ومنصوب الإمام
نظمتها في مدح شمر وأنا فيهم بصير=في موقفي خادم لربعي مقابيس الظلام
من الحلافات أحمل الشكر مندوب وسفير=الشكر ذا ماله حدود وحب وإحترام
عبر الفضائيات تنشر وينقلها الأثير=البيض فال آلآد شمر على طول الدوام
وختامها شمر نجومٍ في العليا تنير=ترفع لهم بيضٍ على النائفات بكل زام

أبو فيصل محمد فائز الحلافي( بن سرحا)
12/ذا القعدة عام 1435هــ.

 

 

 

 

 

 

 

 

 

 

ابو فيصل صح لسانك وبيض الله وجهك ووجيه ربعك هل الطيب والناموس قصيده جزله من شاعر جزل

الله يعزك ويرفع مقدارك ومقدار ربعك رايتك بيضاء بالطيب والنخوة والشهامه وانتم اهله

 

 

 

 

 

 

 

 

 

 

الاخ الكريم ابوفيصل الحلافي صح لسانك وماعليكم زود وبيض الله وجهك وحياك الباري بين ربعك.

 

 

 

 

 

 

 

 

 

 

صح لسان الحلافي
والله يفرج كربه

ان شاء الله

ــــــــــــــــــــــــــــــــــــــــــــــــــ ـــــــــــــــــــــــــــــــــــــــــــــــــ
ــــــــــــــــــــــــــــــــــــــــــــــــــ ـــــــــــــــــــــــــــــــــــــــــــــــــ

قال الله تعالى( ومن احياها فكانما احياء الناس جميعاً))

،،،،،،،،

يالله يااللي عظيم الشان/
باب الفرج تفتحه يارب/
باب الفرج تفتحه لانسان/
ينخى رجال مشت بالدرب/
شمر نخاهم وهو بلشان/
وجوك الطنايا لحل الكرب/

 

 

 

 

 

 

 

 

 

 

وختامها شمر نجومٍ في العليا تنير
ترفع لهم بيضٍ على النائفات بكل زام


مشاعر صادقة جاد بها قلم شاعرنا

أبو فيصل الحلافي بعد أن حلق عاليا

في فضاء المجد الشمري يطوف مع

رياضه النضرة وأفانينه العذبة

ونسمات الجود والعز تتثنى ابتهاجا

لتلك المكارم .. جزيل الشكر ولا يفي

 

 

 

 

 

 

 

 

 

 

لكل من علق على القصيدة أقول :

بيض الله وجيهكم ورفع قدركم وأعلى شأنكم وإرتقى بيانكم أيها الأخوة الكرام شمر الفخر والمجد والتاريخ والعراقة والأصالة والكرم الحاتمي وأقول يالطنايا مافيكم حيلة :

إهدائي لكم :
والله إنا نفتخر بالرجال أهل الفعول-السيوف المرهفة ذا يشرّف نبها
ياطنايا طي شمر مركضة الخيول-شمر الفرّس سنا العيس والله ربها

 

 

 

 

 

 

 

 

 

 

الذين يسعون لإصلاح ذات البين بين إخوانهم المسلمين هم من أشرف الخلق وأكرمهم وأنبلهم وأجلهم قدراً ومنزلة فالإصلاح مطلب رباني نبوي ديني إنساني.

 

 

 

 

 

 

 

 

 

 

بيض الله وجهك

وعزالله انكم يالحلافات اكرمتوا كل من جاكم

وكل الذي سافروا يمكم يثنون على كرمكم وحسن استقبالكم

ونسأل الله ان يتعق سعد ويلم شملكم مع ابناء عمومتكم

 

 

 

 

 

 

 

 

 

 

صح الساااانكـ وبيض الله وجهكـ يالحلافي

لاهنت و تقبل مني خالص تحياتي

 

 

 

 

 

 

 

 

 

 

صح لسانك